Transcription
1
À mon cousin et bon amy Jehan Chabat
2
Monsieur mon frère, je suys esté bien fort joieulx d’avoyr entendu
3
de voz nouvelles et de ma seur. Je vous asseure que n’ay
4
laissé passer mien par lequel vous peusse faire entendre
5
de notre estat que ne l’aye faict. Au reste nous sommes
6
tous en bonne santé, Dieu mercy et sans le trouble
7
que la prinze du Pousin nous a apporté, estions assez
8
bien. Mais à present tout le monde est en allarme
9
tellement que ceulx des villes qui ne sont allez
10
à la messe sont serez aussi bien que du commencement.
11
Je vous prye me tenir adverty de voz nouvelles
12
le plustost que pourrez et m’employez en tout ce
13
que cognoistrez que vous pourrey servir, vous
14
asseurant que n’espargneray ny corps ny
15
biens pource faire, me recommandant humblement
16
surce à votre bonne, grace priant Dieu vous donner,
17
monsieur mon frère en parfaicte sancté le comble
18
de voz bons desirs
19
Mon frère de Cobans et mon cousin de Larnage qui
20
sont icy vous presentent leurs humbles recommandations
21
et ma sœur aussi. Ceulx et moy en presentons aultant
22
à monsieur de Quintel et à madamoyselle de Quintel
23
Votre humble et plus feable frère Roysses